स्थापना दीस 2026

अखिल भारतीय कोंकणी परिशदेचो 88वो स्थापना दीस ह्या वर्सा कर्नाटक राज्यांतल्या सागर ह्या शारांत आयतार, 12 जुलय दिसा आयोजीत केला. गोंयच्यान हे कार्यावळीक हाजीर रावंक इत्सूक आशिल्ल्यां खातीर परिशदेन एके खाशेले बसीची वेवस्था केल्या. ही बस शेनवार, 11 जुलय दिसा सकाळीं 9 वरांचेर मडगांवच्यान सुट्टली आनी जोग फॉल्स घसघसो पळोवन सांजवेळां सागर पावतली. प्रतिनिधींच्या राबित्याची वेवस्था एका बऱ्या हॉटेलांत आयोजक विनाशुल्क करतले. इत्सूक प्रतिनिधींक रु 2000/- प्रवास खर्चाचे फारीक करचे पडटले. 12 जुलय दिसा सांजवेळां 3 वरांचेर सुटून बस रातीन अंदाजान णव मेरेन मडगांव पावतली. चडावत माहिती खातीर परिशदेचे कार्याध्यक्ष चेतन आचार्य हांचे कडेन 8830103768 ह्या नंबरार संपर्क सादचो. ‘पयलीं आयिल्ल्याक पयलीं’ ह्या तत्वाचेर पयल्या पस्तीस जाणांकच आस्पावन घेतले. इत्सुकांनी लिंक वापरून नांव नोंदणी करची.