24 वें साहित्य संमेलन अहवाल
अखिल भारतीय कोंकणी परिषदेचें 24 वें कोंकणी साहित्य संमेलन 2 आनी 3 फेब्रुवारी 2019 या दिसांनी मॉलिमा रिसोर्ट, राजबाग, काणकोण, गोंय हांगा संपन्न जालें.
2 फेब्रूवारी 2019 पयले दिसा सकाळी 09:00 वरांर नांव नोंदणी. सकाळचे 10:30वरांचेर उक्तावण सुवाळो जालो. पयले सुवातेर काणकोण कलाकारांनी डॉ. पूर्णांनंद च्यारी हांणी रचिल्लें आनी संगीतबद्ध केल्लें ‘गोंय येवकारता’ हें संमेलनाचे सुवाळ्याक फावोषे, जमिल्ल्या चारय राज्यांच्या कोंकणी मोग्यांक येवकारपी गीत वाद्यांच्या मधूर तालार सादर केलें.
येवकार अध्यक्ष श्री. कमलाकर म्हाळषी हांणी सोयऱ्यांक आनी जमिल्ल्या कोंकणी मोग्यांक उर्बेभरीत येवकार दिलो.
अखिल भारतीय कोंकणी पखिदेची अध्यक्ष उशा राणे हांणी समेस्तांक येवकार दीत आपले प्रास्ताविकांत परिषदेची स्थापणूक, आयज मेरेनचो परिषदेचो वावर, उद्यीष्टां हांची थोडे भितर म्हायती दिली. तषेंच पत्रकारिता दिसाची परबी दिली.
उपरांत उद्घाटक आनी मुखेल सोयरे, नामनेचे मराठी कादंबरीकार भौ. विष्वास पाटील हांचे हस्तुकी गोंयची पारंपारीक दिवज रूपी दिवली पेटोवन लोकवाद्यांच्या गजरांत सुवाळ्याचे उक्तावण जालें.
कोंकणींत जनावरांक लेगीत नाचोवपाची तांक आसा. यष हें मनषाक अपेसा कडेन घेवन वता कोंकणी भाषेच्या साहित्यिकांनी एकाच ज्ञानपिठा मेरेन थांबिनास्तना चडानचड ज्ञानपीठ मेळोवपाचे नदरेन साहित्याची रचणूक करची. साहित्यिक देष बांदपाचे काम करतात. तांचे योगदान खूब मोठें आसता. अषें मत तांणी आपले भाषणांतल्यान उक्तायले.
हे वेळार मानाची सोयरी भौ. नितू देसाय. अध्यक्ष, काणकोण नगरपालिका. हांणीय कोंकणीच्या उदरगती खातीर आपलो सदांच तेको आसतलो अषें आपले भाषणांत सांगले.
संमेलनाध्यक्ष भौ. मॅल्वीन रोड्रीगीस हांणी भाषेची गरज किते? हें सांगत ती पोटाच्या ग्रासाची भास, दीसपट्टया उलोवण्याची भास आसून प्रषासनाचीय भास आसा. तषेंच ती अभिव्यक्तिचीय भास आसा. अषें सांगत साहित्यी म्हळ्यार कोण? साहित्यिकांचे काम कितें? साहित्यिक सत उलयतात? साहित्यिकांच्या समस्यांच्यो गजालीं, लिपीचो प्रस्न, लिप्यांतराचो प्रस्न, प्रकाषकांचे त्रास, हे सगळे गजालींचेर आपले भाषणांतल्यान उजवाड घातलो.
षेवटाक अखिल भारतीय परिषदेची सरकार्यदर्षी सुफला गायतोंडे हांणी सगळ्यांचे रीतसर उपकार मानले.
उपरांत 12:30 ते 01:30 “कोंकणी विनोदी साहित्यः सर्जन आनी मूल्याकंन“ – अध्यक्ष भौ. दिलीप बोरकार.
ह्या सत्रांत, डॉ. हनुमंत चोपडेकर (कविता) सखाराम बोरकार (निबंध) तिओत्तीन डिकॉष्टा (तियात्र) वसंत भगवंत सावंत (नाटक) हांणी आपापले विषयाचेर विचार मांडले. आनी सी.जी.एस. आनी क्रिस बाबुटी हांणी चर्चेंत वांटो घेतलो.
02:30 ते 04:00 “कविता सादरीकरण” अध्यक्ष – भौ.षषिकांत पुनाजी. हांतूत श्री. अषोक भोंसलो, श्री. पोब्र फेर्नांडीस, श्री. साईष पाळंदीकर, श्री. उदय म्हांब्रो, श्री. दिलीप धारगळकर, श्री.गोपीनाथ गांवस, श्री. अमेय नाईक, श्री. जॉन आगियार, श्री. नवीन पेरेर, श्री. नाझारेत हेनरी, मेरी तकोडे, डॉ. नागेष कुमार, हांणी अतिषय उत्तम रितीन आपाल्या कवितांचे सादरीकरण केलें.
2 रें सत्रः 04:30 ते 06:00 – ”विविध माध्यमांवरवीं कोंकणी साहित्य संचार“ अध्यक्ष – भौ. संदेष प्रभुदेसाय.
हांतूंत श्री. लक्ष्मीकांत षेटगांवकर (पटकथा आनी फिल्म), सौ. षकुंतला भरणे
(साहित्य आनी संगीत), डॉ. हरिंद्र षर्मा(साहित्य आनी प्रसार माध्यम), हांणी आपआपले विषयार आपले अणभव आनी विचार मांडले. उपरांत जाल्ले चर्चेंत श्री. युगांक नायक आनी डॉ. अरविंद षानभाग हांणी वाटो घेतलो.
3 रें सत्रः 06:30 ते 07:00 – ”कोंकणी मूळपिठां भोवंतणची साहित्य मेटां” अध्यक्षः भौ. देविदास कदम.
हांतूत श्री. संदेष बांदेकर – कारवार, श्री. लॉरेन्स डिसॉझा खमानी – मुंबय, श्री. रूझारिओ पिंटो – मालवण, श्रीमती स्मिता षणै – मंगळूर हांणी आपापले वाठारांतली स्थिती, गरजो आनी समस्या हांचेर भासाभास केली.
2 रो दीस 03/02/2019.09.11 तिसरें सत्रः सकाळी 09:00 तें 10:00 भौ. गौरीष वेर्णेकार हांचें अध्यक्षते खाला ‘काव्यघोडकां ’ हें नवोदितांचे उक्तें कवी संमेलन जालें. पंचवीस तीस कवीनीं उत्सफूर्त पणान वांटो घेवन ‘काव्यघोडकां’ जैतवंत केली.
4 थें सत्रः सकाळीं 10:00 तें 11:00 ‘आयचो काळ आनी साहित्य पोषक उपक्रमांचो दुष्काळ’ अध्यक्ष भौ. नारायण देसाय.
श्री. चेतन आचार्य (संस्था उपक्रम), श्री. दिनेष मणेरीकर (युवा साहित्य), हांणी आपापले विषयाचें गांभीर्य, विचार आनी मत मांडलें, आनी उपाय सूचयले. उपरांत जाल्ल्या चर्चेंत श्री. अनील वेर्णेकार, श्रीमती नमन सावंत धावस्कर, श्री. रामनाथ गावडे, पी.एन्.कृश्णन् आनी श्री. अरूण उभयकर हांणी वाटो घेतलो.
5 वें सत्र सकाळी 11:30 तें 12:30 ‘गटचर्चा’ अध्यक्ष भौ. पय्यनूर रमेष पै.
वांटो घेवपी: श्री. विवेक पिसुर्लेकार (गोंय ), श्री. अनंत अग्नी (गोंय) , श्री. षिवराम कामत (कर्नाटक) , श्री देविदास कदम (कर्नाटक) ,श्री. विजयन् के. (केरळा)
12:30 ते 01:30 कवी संमेलनः अध्षक्ष श्री. आर.एस्. भास्कर
श्री. भरत नायक, श्री. परेष कामत, श्रीमती नुतन साखरदांडे, श्री. आर.एस् रामनाथ, श्री. प्रकाष द. नायक, श्री. षैलेंद्र मेहता, श्री. वल्ली क्वाद्रूस, श्री. रमेष घाडी, श्री एच्.एन् पेरनाल, श्रीमती इंदू गिरसप्पे, प्रा. राजश्री सैल, श्रीमती वैजयंती प्रभुगांवकर, श्री. विश्णू कोळगेकर हांणी वाटो घेतलो.
संजेर 02:30 ते 04:00 समारोप सुवाळो.
सुरवेक बलराम निवासी विद्यालयाच्या भुरग्यांनी गायिल्ल्या आनी प्रसाद पागी रचील्ल्या ‘प्रेरणा’ गितान मानेस्तांक उर्बेभरीत येवकार दिलो.
येवकार समितीचे कार्याध्यक्ष श्री. गौरीष हांणी माचेवेल्या मानेस्तांक तषेंच माटवांत जमिल्ले मानेस्तांक आनी कोंकणी मोग्यांक येवकार दिलो.
मुखेल सोयरी श्रीमती षिला कोळंबकर हांणी हें दोन दिसांचे संमेलन म्हणल्यार साहित्य आनी साहित्यिकांची दोन दिसांची जात्रा कषी जाली. बरें दिसले. ……………
मानाचे सोयरे माजी क्रिडा मंत्री भौ. रमेष तवडकर हांणी कोंकणी साहित्य संमेलन काणकोणा घडून आयलें देखून माका खूब खोषी जाता. कोंकणी खातीर आपले कडल्यान जाय तो पालव मेळतलो. कारण ती आमची आवयभास आसा. तिजो मान राखप हें आमचे कर्तव्य जावन आसा. अषें सांगत सगळयांक परबी दिली.
मानाचे सोयरे भौ. आ.पी.नायक अध्यक्ष, कर्नाटक कोंकणी साहित्य अकादेमी, हांणी कार्यावळ पळोवन आपणाक खूब खोषी जाली. कोंकणी अषीच जैतवंत जांव अषें म्हणत कर्नाटक कोंकणी अकादेमीच्या कार्याचो थोडे भितर नियाळ दिलो.
हे वेळार संमेलनाचे अध्यक्ष भौ. मॅल्वीन रॉड्रिगीस हांचेय समारोपाचे उलोवप जालें. हे वेळार माचयेर अखिल भारतीय कोंकणी परिषेदची अध्यक्ष उशा राणे, सरकार्यदर्षी सुफला गायतोंडे, येवकार अध्यक्ष कमलाकर म्हाळषी, कार्याध्यक्ष गौरीष वेर्णेकार आनी कार्यदर्षी षिरीश पै हाजीर आसले.
षेवटाक कार्यदर्षी षिरीश पै हांणी सगळयांचे उपकार मानले. उपरांत कार्यावळ सोंपली.
आपली विष्वासू
सुफला गायतोंडे
सरकार्यदर्षी
अ.भा.कों.प.
